Islam Maxachev jarohat olibdi, Dana Uayt buni tasdiqladi

"Bu noto'g'ri xabar. Ha, Jastin Getji dastlab kardda bo'lmagan - bu haqiqat! Ammo bu Islamning Tupuriyaga qarshi jangi emas edi. Qanday janglarni muhokama qilayotganimizdan havotir olmang. Tasdiqlangan va bo'lib o'tadigan janglarni elon qildik. Aytdim-ku, u erda g'alati holatlar bo'lgan deb.

Jang barbod bo'lgach, bizning asosiy matchmeykerlarimiz ofisga qaytishdi va ertalab soat to'qqizgacha ishlashdi - Getji shu tariqa kardga kirib qoldi. Topuriya ham aslida bu turnirda jang qilmasligi kerak edi. Unga ham so'nggi lahzada qo'ng'iroq qilishdi", - dedi tashkilot rahbari Las-Vegasda bo'lib o'tgan Zuffa Boxing 04 turniridan keyingi matbuot anjumanida.

Bundan tashqari, Uaytning takidlashicha, yarim o'rta vazn toifasida UFC chempionlik kamarini o'zida saqlab turgan rossiyalik chempion ayni paytda jarohat olgan va uning oktagonga qaytish muddati masalasi ochiq qolmoqda.

"Uning qo'lida muammo bor. Men buni bilaman. Uning jarohati qanchalik jiddiyligi va qancha vaqt janglardan tashqarida bo'lishini esa bilmayman, ammo u jarohat olgan, bu fakt!", - deya qo'shimcha qildi UFC rahbari.

O'tgan hafta oxirida engil vazn toifasida Iliya Topuriya va Jastin Getji o'rtasidagi birlashtiruvchi jang 14 iyun kuni Oq uyda bo'lib o'tadigan va Amerika mustaqilligining 250 yilligiga bag'ishlangan bayram tadbirining asosiy voqeasi deb elon qilingandi.