Islam Maxachev: "Kovington va Masvidalni bir oqshomda mag'lub etaman"

Maxachev nafaqat tashkilotning eng yuqori yarim o'rta vazn toifasidagi sportchilari bilan raqobatlasha olishiga, balki ularni dominant tarzda mag'lub eta olishiga shubha qilmayapti.

"Men engil vazndagi kamarni olaman, taxminan uch-beshta jangda himoya qilaman, keyin esa yarim o'rta vaznga o'taman. Men Xorxe Masvidal va Kolbi Kovingtonning jangini birinchi qatordan kuzatdim va rostini aytsam, endi bu ikkala yigitni bir kechada mag'lub eta olishimga shubham qolmadi.

Kolbi faqat kurash bilan shug'ullanadi va men uni osonlikcha mag'lub eta olaman, chunki uning zarbasi juda kuchsiz. Xorxe allaqachon qarib qolgan va u etarlicha pul ishlab topgan – ehtimol u yana bir necha marta jang o'tkazib, nafaqaga chiqar”, - dedi Islam ESPN'ga bergan intervyusida.