Islam Maxachev navbatdagi raqibi kim bo'lishini taxmin qildi

CHempionlik uchun asosiy davogar CHarlz Oliveyra va Benil Dariush o'rtasidagi jang g'olibi bo'ladi. Maxachev bu qarama-qarshilikda amerikalik g'alaba qozonishiga umid qilmoqda.

"Umid qilamanki, Benil g'alaba qozonadi, chunki men Oliveyrani allaqachon mag'lub etganman. Menga yangi raqib kerak! Dariushning stoykasi va kurash bo'yicha mahorati yaxshi, shuning uchun ham yaxshi jang bo'ladi. Ammo Oliveyra g'alaba qozonsa va yaxshi jang namoyish etsa, balki navbatdagi raqibim u bo'lar. Aniq bilmayman", - dedi Maxachev.

Konor Makgregor va Maykl CHendler o'rtasidagi jangga kelsak, agar Konor g'alaba qozonsa va tashkilot uni navbatdagi davogar deb atasa, Maxachev irlandiyalikka qarshi chempionlik kamarini himoya qilishga tayyor.

"Ularning ikkalasi ham aqlli yigit. Konor CHendlerni tanladi, Maykl avvalroq ataylab mag'lub bo'lgan edi. Sababi, u bir-ikki jangda g'alaba qozonganida Makgregor bilan jang hech qachon bo'lmasdi. Albatta, CHendler ataylab mag'lub bo'ldi, u ko'cha jangchisi kabi kurashdi va xohlagan narsasiga erishdi.

Konor Mayklni mag'lub etgan taqdirda ham chempionlikka loyiq emas. Lekin agar UFC shuni xohlasa jang bo'ladi. Yaxshi pul ishlaymiz — olg'a! Men UFC qo'ng'iroq qilishini kutyapman. Dana, menga qo'ng'iroq qil, tayyor bo'laman!", - deya qo'shimcha qildi Maxachev.