Islam Maxachev: "Oq uyda jang qilish bo'yicha muzokaralar davom etmoqda"

Rossiyalik 34 yoshli aralash yakkakurash ustasi o'z kamarining ilk himoyasini iyun oyida o'tkazishni rejalashtirmoqda. Uning ishtirokidagi jang 14 iyun kuni Oq uy mezbonlik qiladigan UFC turnirida o'tkazilishi ham ehtimoldan xoli emas.

"Oq uydagi jang bo'yicha muzokaralar hali davom etmoqda, - dedi Maxachev jurnalistlarga. - Mening jang sanam - shu turnirning yonida. Hozircha Oq uydagi jang - eng ehtimoliy variant. Kamaru Usman, Ian Garri, Maykl Morales kabi potencial raqiblarim bor. Bu jang hozir muhokama qilinmoqda".

SHu bilan birga Maxachev keyingi raqibi engil vazn toifasida UFC chempioni Iliya Topuriya bo'lishi haqidagi taxminlarni rad etdi. Uning so'zlariga ko'ra, hozirda UFC’ning ikki vazn toifasidagi chempionlari, qaysi vaznda bo'lishidan qati nazar, eng kuchli jangchilar reytingida etakchilik qilayotgan har ikkalasi ham o'z kamarlarini himoya qiladi.

"Uning raqibi bor, - dedi Maxachev Topuriya haqida. - Mening ham to'rt nafar davogar raqibim bor. Keyin ko'ramiz. Lekin u bilan jang bo'lsa ham, bu 77 kg vaznda amalga oshadi. Engil vazndagi jang menga hech narsa bermaydi".

Norasmiy malumotlarga ko'ra, Topuriyaning engil vazn toifasida UFC vaqtinchalik chempioni Jastin Getjiga qarshi jangi Oq uydagi turnirning asosiy voqeasi bo'lishi mumkin.