Islam Maxachev titul jangi uchun ikki nomzodni aytdi

"Menga yanvar oyida jang taklif qilishdi, lekin bu mumkin bo'lmagan sana. CHunki men lagerda uch oy bo'ldim va dekabr oyida menga qo'ng'iroq qilishdi: "Yanvarda jang qilasanmi?" Yanvar oyida aniq jang qilmasligimni aytdim. Menga ismini aytishmadi, lekin menimcha, Maykl Moralesga qarshi jang. Bu mening taxminlarim - men aniq bilmayman, menejerim ham bilmaydi. Ramazondan keyin - aprel, may, iyun, istalgan sanalar. Agar Oq uyga qo'ymoqchi bo'lishsa, kutib turaman. Bo'lmasa, ertaroq urishishim mumkin.

Agar SHavkat qaytadigan bo'lsa, menimcha, hozir kimdir unga kamar uchun jang beradi, deb o'ylamayman. Lekin agar uni raqib sifatida berishsa - umuman muammo yo'q. Yarim o'rta vazn toifasida hozir ko'plab jangchilar bor, divizion o'zgardi, ko'plab yangi nomlar paydo bo'ldi. Morales yaxshi raqib bo'lardi, chunki mag'lubiyatsiz boryapti. Prates yaqindagina Ian Garriga yutqazib qo'ygandi. Agar Garrini olsak, u SHavkatga yutqazdi. Ularda allaqachon mag'lubiyat tarixi bor. Agar tanlash kerak bo'lsa, hozirda yaxshi ishlayotgan Maykl Morales yoki Kamaru Usman raqibim bo'lishi mumkin", - dedi rossiyalik "Ushatayka" kanaliga bergan intervyusida.

Ayni damda UFC yarim o'rta divizion reytingida Maykl Morales va Kamaru Usman mos ravishda to'rtinchi va sakkizinchi pog'onalarni egallab turibdi.