14 noy 08:21
Yangiliklar

Boks/MMA

Islam Maxachev xatosini tan oldi

Teglar : Islam Maxachev Merab Dvalishvili

Rossiyalik aralash yakkakurash ustasi 16 noyabr tongida AQSHning Nyu-York shahrida yarim o'rta vazn toifasidagi chempionlik kamarini qo'lga kiritish uchun urinib ko'radi.

Maxachev kecha o'z intervyusida o'ta engil vazn toifasi chempioni Merab Dvalishvilini dunyoning eng kuchli ligasining eng yaxshi jangchilari qatoriga qo'shmagan edi. Islam P4P, vazn toifasidan qati nazar UFC`ning eng kuchli beshligini tuzishda xatoga yo'l qo'yganini tan oldi.

"Merab Dvalishvilini unutibman. U eng yaxshilardan biri", - deb yozdi rossiyalik jangchi ijtimoiy tarmoqdagi sahifasida.

Maxachev strimer Eydin Ross bilan yaqinda bo'lib o'tgan suhbat chog'ida vazn toifasidan qati nazar tashkilotning eng yaxshi besh jangchisini sanab o'tgandi. U ro'yxatga o'zidan tashqari Aleksandr Pantoja, Tom Aspinall, Aleksandr Volkanovski va Iliya Topuriyani kiritgan edi.

Islam Merab Dvalishvilini ham qo'shib, avvalroq o'zi aytgan jangchilardan qaysi biri ro'yxatni tark etganiga aniqlik kiritmagan.