Islom Bahromovni tabriklaymiz!

Islom Bahromov 1995 yil 17 iyul kuni Samarqand villoyatining Oqdaryo tumani Loyish shaharchasi "Navro'z" mahallasida dunyoga kelgan. Birinchi murabbiyi - O'rol Ziyoev. Avvaliga Respublika ixtisoslashtirilgan olimpiya zaxarilari maktab-internatida, keyin O'zbekiston davlat jismoniy tarbiya universitetida taxsil olgan. 

Aka-uka Islom hamda Ilhom Bahromovlar o'smirlar, yoshlar va hozir kattalar terma jamoasi safida yurtimiz sharafini munosib himoya qilib kelishmoqda. Islom kattalar o'rtasida Osiyo chempioni, Islom Birdamlik o'yinlari va Yopiq inshootlardagi Osiyo o'yinlari  sovrindori hisoblanadi. Ikki bor Osiyo chempionatining bronza medalini qo'lga kiritgan. SHu yil fevral oyida Hindistonning Nyu-Deli shahrida o'tgan qita chempionatida bronza medaliga ega chiqqandi.

Fursatdan foydalanib, Islom Bahromovni bugungi tavallud ayyomi bilan muborakbod etamiz.