Islom birdamligi o'yinlarida g'olib va sovrindor bo'lgan sportchilarimizning murabbiylari ham taqdirlanishdi

Malumki, bu borada davlatimiz rahbari tomonidan “Konya shahrida (Turkiya) bo'lib o'tgan V Islom birdamligi o'yinlarida g'olib va sovrindor bo'lgan sportchilar hamda ularning trenerlarini bir martalik pul mukofotlari bilan rag'batlantirish to'g'risida"gi Prezident qarori imzolangan edi.

Taqdirlash marosimida Adham Ikramov boshchiligidagi O'zbekiston Respublikasi Sportni rivojlantirish vazirligi mutasaddilari, Milliy Olimpiya qo'mitasi raisi o'rinbosarlari Azizjon Kamilov hamda SHerzod Tashmatov ishtirok etishdi. Tadbir avvalida A.Ikramov sportchilarimizning qo'lga kiritgan yutuqlari va ularning zamirida murabbiylarimizning xizmatlari beqiyos bo'lganligini alohida takidlab o'tdi.

SHundan so'ng, Turkiyada o'tkazilgan V Islom birdamligi o'yinlarida g'olib va sovrindor bo'lgan sportchilarning murabbiylariga bir martalik pul mukofotlari tantanali ravishda topshirildi.

Eslatib o'tamiz, mazkur musobaqada sportchilarmiz 51 ta oltin, 42 ta kumush, 65 ta bronza, jami 158 ta medal bilan umumjamoa hisobida mezbonlardan so'ng ikkinchi o'rinni qo'lga kiritishdi. Bu O'zbekiston sport delegaciyasining kompleks musobaqalardagi eng yuqori natijasi sifatida tarixga kirdi.