Islom birdamligi sport federaciyasining Bosh assambleyasi yig'ilishi o'tkazildi

Unda Osiyo, Afrika va Evropaning tashkilotga azo 56 ta mamlakati milliy olimpiya qo'mitalari vakillari ishtirok etdi. Anjumanda O'zbekiston Milliy olimpiya qo'mitasi Bosh kotibi Oybek Kasimov qatnashdi.

Muborak Quron tilovati bilan boshlangan anjuman avvalida ISSF prezidenti, Saudiya Arabistoni shahzodasi Abdulaziz bin Turki al-Faysal so'zga chiqib, Islom birdamligi o'yinlari musulmon olamida o'zaro aloqalarni mustahkamlashga xizmat qilishini alohida takidladi.

“Islom birdamligi o'yinlari ayni maqsadlar ila 2005-yilda tashkil etilgan edi. Koronavirus pandemiyasi tufayli biroz kechikib bo'lsa ham ushbu musobaqalarni o'tkazayotganimizdan juda xursandmiz”, - dedi ISSF prezidenti.

V Islom birdamligi o'yinlari tashkiliy qo'mitasi raisi, Turkiya yoshlar va sport vaziri Mehmet Kasapoglu o'z so'zida Konyada musobaqaga ko'rilgan tayyorgarlik jarayonlari haqida gapirdi. Uning aytishicha, o'yinlarni o'tkazish uchun Konya shahridagi mavjud sport inshootlari qayta tamirlandi, qator yangi sport majmualari bunyod etildi. Islom birdamligi o'yinlarini yuqori saviyada o'tkazish uchun barcha imkoniyatlar mavjud.

Bosh assambleya yig'ilishida 2025 yil Kamerun mezbonligida o'tajak o'yinlar borasida ham mutasaddilarning hisobotlari tinglandi.