Ispaniya OAV: Messi PSJning birinchi taklifini rad qildi

Bu haqda Ispaniyaning "La Vanguardia" gazetasi xabar berdi.

Manbaga ko'ra, JCH-2022 oldidan tomonlar yangi shartnoma bo'yicha kelishib olishgan. Ammo hozir futbolchi taklif qilingan maoshdan qoniqmayapti.

PSJ moliyaviy feyr-pley bilan bog'liq yuzaga kelishi mumkin bo'lgan muammolarni oldini olish uchun argentinalik futbolchiga kamroq maosh taklif qilmoqda.

Oldinroq Messi hali ham faoliyatini Evropada davom ettirmoqchiligi hamda MLS va Saudiya Arabistonidan kelib tushayotgan takliflarini ko'rib chiqmasligi haqida xabar berilgandi.

Hujumchi joriy mavsum PSJ safida barcha musobaqalarda 28 ta o'yinda maydonga tushib, 17 ta gol urdi va 16 ta golli uzatmani amalga oshirdi. Uning klub bilan bitimi joriy mavsum oxirigacha mo'ljallangan.