Isroil Madrimov: "Asosiy fokus Bogachukka qaratilgan. Verjilga ham navbat keladi"

Bokschimiz Olamsport.com saytiga bergan kichik intervyusida bo'lajak ikki raqibi — ukrainalik Sergey Bogachuk hamda amerikalik WBC Interim kamari sohibi Verjil Ortisga qarshi kechadigan janglari haqida fikr bildirdi. 

"Hozirda tayyorgarlik davom etyapti. Ko'ramiz, hozircha aniq bir qarorga kelmadik. Asosiy fokus, yani etibor Bogachukka qaratilgan. Birinchi navbatda aynan ukrainalik bokschi. Endi ikkala raqibim ham kuchli. Ikkisining o'zaro o'tkazgan jangini ko'rdim. Har ikkisi ham teng jang qilgan. Verjil bilan o'z vaqtida sparring ham o'tkazganmiz. To'g'ri, qiyin raqib, lekin tayyorgarlik ko'rib, yutsa bo'ladi. Qiziq jang bo'ladi", dedi Madrimov.

Malumot uchun, hamyurtimizning Sergey Bogachuk bilan jangi 21 dekabr, Verjil Ortis bilan bahs esa 2025 yilning 22 fevral kuni o'tkaziladi. Har ikki jangga Saudiya Arabistonining Ar-Riyod shahri mezbonlik qiladi.