Isroil Madrimov jang oldidan Sergey Bogachukga omad tiladi

"Sergeyga faqat eng yaxshi tilaklarimni bildiraman. Men bu jangda ishtirok eta olmayotganimdan juda afsusdaman, ammo tiklanish uchun vaqtim bo'lmasdan turib, o'z imkoniyatlarimni ko'rsata olmasdim. Odamlar nima desa ham, bu jangga 100% tayyorlanishga harakat qildim. Sergey haqida bilganlarim shuki, u yaxshi inson va haqiqiy jangchi. U yaxshi raqib bilan jang o'tkazayotganidan xursandman. Alloh har birimiz uchun rejalar tuzgan. Hayotimda nima bo'lishidan qati nazar, Alhamdulillah! SHuningdek, Turki al ash-SHeyx janoblari va Riyadh Season tomonidan berilgan imkoniyat uchun juda minnatdorman", deb yozdi Isroil Madrimov.

Ayni damda Ar-Riyodda (Saudiya Arabistoni) bo'lib o'tayotgan boks oqshomi doirasida super yarim o'rta vazn toifasida WBA sobiq chempioni Isroil Madrimov Sergey Bogachuk bilan jang qilishi kerak edi, biroq salomatligi tufayli u bu jangni tark etdi.