Isroil Madrimov nokaut bo'lgan Magomed Kurbanovning keyingi jangi haqida malumot berildi

Kurbanov o'tgan hafta hamyurtimiz Isroil Madrimov bilan jang qilib, 5-raundda texnik nokaut evaziga mag'lub bo'lgan edi. Titovning so'zlariga ko'ra, Magomed endi franciyalik Mishel Soroga qarshi revansh jangini o'tkazishi kerak.

"Hozir Magomed muhim qarorni qabul qilishi kerak. Bu faqatgina Magomedning o'zini qarori bo'ladi. Agar u faoliyatini davom ettiradigan bo'lsa, uning Mishel Soro bilan yakunlanmay qolgan ishlari bor", - dedi German Titov.

Eslatib o'tamiz, bu bokschilarning Rossiyada o'tgan jangida Kurbanov hakamlarning bahsli qarori bilan g'alaba qozongan edi. O'sha jangdan keyin hatto rossiyaliklarning o'zlari ham hakamlarni tanqid ostiga olishgandi.