Isroil Madrimovning Sergey Bogachuk bilan jangi taqdiri nima bo'ladi?

Ahamiyatlisi, turnir kardidan birinchi yarimo'rta vazn toifasida sobiq WBA chempioni Isroil Madrimov ishtirokidagi jang ham o'rin oldi. Hamyurtimiz Ar-Riyoddagi uchinchi jangida WBC Interim kamari sohibi, amerikalik Verjil Ortis bilan to'qnash keladi. Jang 12 raundga mo'ljallangan.

Qizig'i, Madrimov bu jangdan oldin 21 dekabrga mo'ljallangan Usik — Fyuri II kardi doirasida ukrainalik Sergey Bogachuk bilan to'qnash kelishi kerak.

Isroil Madrimovning promouteri hisoblangan "Matchroom Boxing" kompaniyasi rahbari Eddi Xirnning malum qilishicha, o'zbekistonlik charm qo'lqop ustasi dekabr oyidagi jangda ham ishtirok etadi.

Malumot o'rnida, 29 yoshli Isroil Madrimov hozirga qadar 12 ta jang o'tkazib, 10 ta g'alaba, 1 ta mag'lubiyat va 1 ta durang qayd etgan. 26 yoshli Verjil Ortis Junior hisobida esa 22 ta g'alaba bor. U so'nggi jangida Madrimovning bo'lajak raqibi Bogachukni ochkolar hisobiga ko'ra taslim etgandi.