Istomin Rim turnirining saralash finalida kortga chiqdi

Ushbu musobaqada tajribali tennischimiz Denis Istomin ham o'z imkoniyatini sinovdan o'tkazdi. Hamyurtimiz saralash bahslarining yarim finalida reytingda o'zidan 351 pog'ona yuqorida borayotgan germaniyalik Sebastyan Fanzelovdan 6/4, 4/6, 6/3 hisobida ustun kelgan edi. 

Afsuski, Istomin asosiy to'rga yo'llanma bergan uchrashuvda saralashning o'ninchi raketkasi, italiyalik Franchesko Fortiga 1/6, 3/6 hisobida imkoniyatni boy berib qo'ydi. 

Taqqoslash uchun, Denis ATP reytingida 760, Franchesko esa 357-pog'onadan joy olgan. Bugun Forti asosiy to'rning ilk davrasida dunyoning 170-raketkasi, italiyalik Andrea Pellegrinoga qarshi kortga chiqadi.