Jahon chempionati. Dzyudochimiz Davlatbek Bobonov chorak finalga chiqdi

Avvalroq musobaqada bugun Davlatbek Bobonov va Gulnoza Matniyazova kabi dzyudochilarimiz bahs olib borishi haqida xabar qilgandik. 

-90 kg vaznli polvonimiz Davlatbek Bobonov bahslarga ikkinchi bosqichdan qo'shildi va ilk jangida yaponiyalik raqibni Golden Score'da mag'lub etdi. Uchinchi bosqichda esa Isroil terma jamoasi azosi Li Kochmanga qarshi tatamiga chiqqan Bobonov raqibini mag'lubiyatga uchratib, chorak finalga chiqdi. 

Endi u yarim final yo'llanmasi uchun qozog'istonlik raqibga qarshi bahs yuritadi. 

-70 kg vaznli Gulnoza Matniyazova esa ilk jangida germaniyalik raqibasiga imkoniyatni boy berib qo'ydi.