10 avg 15:30
Yangiliklar
Jahon chempionati. O'zbekistonlik taekvondochilar qanday natija ko'rsatishdi?
Taekvondochilarimiz ushbu musobaqada bitta oltin va bitta bronza medalini qo'lga kiritishdi. -41 kg vazn toifasida yurtimiz sharafini himoya qilgan Zafarbek Karimov barcha raqiblarni mag'lub etib oltin medalga ega chiqdi. Oldingi Jahon chempionatlarida sportchilarimiz hech qachon finalga chiqa olishmagandi. SHu tariqa Zafarbek kadetlar o'rtasida Jahon chempioni bo'lgan birinchi o'zbekistonlik taekvondochi bo'ldi. -33 kg vazn toifasida hamyurtimiz Muhammadamin Aliev esa yarim finalga qadar etib bordi. Afsuski u final ostonasida bo'lajak Jahon chempioniga mag'lub bo'ldi va yurtimiz hisobiga bronza medalini keltirdi.
To'rt nafar taekvondochimiz Mubina Mamurjonova, Laylo Zayniddinova, O'g'iloy Ibragimova va Kseniya Smirnova Jahon chempionatini chorak finalda to'xtatishga majbur bo'lishdi. 12 nafar sportchimiz 1/8 final, yana ikki taekvondochimiz esa musobaqani 1/16 finalda yakunlashdi.
Oldingi uchta Jahon chempionatida O'zbekistonlik taekvondochilar jami 7ta bronza medaliga ega chiqishgandi. SHunday qilib, bugungi kunga kelib kadetlar o'rtasidagi Jahon chempionatida yurtimiz sportchilarining jami medallari soni 9taga etdi. Ulardan bittasi oltin, qolgan 8tasi bronza medallaridir.
Kim qaysi bosqichga etib bordi?
Oltin medal
Zafarbek Karimov (-41 kg)
Bronza medal
Muhammadamin Aliev (-33 kg)
CHorak final
Mubina Mamurjonova (-51 kg)
Laylo Zayniddinova (-41 kg)
O'g'iloy Ibragimova (-37 kg)
Kseniya Smirnova (+59 kg)
Nimchorak final
Abdulaziz Ahramov (-65 kg)
Mahsud Maratov (+65 kg)
SHabona Abduvalieva (-29 kg)
Aynur Umirzakova (-33 kg)
Samandar Hamdamov (-53 kg)
Sitora Muhammad G'ulom Rasul (-47 kg)
Nazarali Nazarov (-45 kg)
Marjona Xudoyqulova (-44 kg)
Madina Nurullaeva (-55 kg)
Omina Botirova (-59 kg)
Oyatulloh Akramov (-49 kg)
Rasul Turdimuratov (-61 kg)
1/16 final
Muhammadamin Nematjonov (-57 kg)
Abror O'lmasov (-37 kg)
O'zbekiston taekvondo WTF Associaciyasi matbuot xizmati
Fikrlar