Jahon chempionati shu yilning o'zidayoq o'tkaziladi

UWW qabul qilgan qarorga ko'ra, kattalar o'rtasidagi jahon chempionati 2020 yilning 12-20 dekabr kunlari Serbiya poytaxti Belgrad shahrida bo'lib o'tadi. Bu musobaqadan avvalroq, aniqrog'i 4-10 dekabr kunlari oralig'ida aynan Belgrad o'smirlar o'rtasidagi jahon chempionatini ham qabul qiladi. 

Ijroiya qo'mita ikkita musobaqaning bir shaharda o'tkazilishi koronavirus bilan kasallanish ehtimolini kamaytiradi, degan fikrni ilgari surmoqda. SHu sababdan ham o'smirlar va kattalar o'rtasidagi jahon chempionatlari Serbiya poytaxtida o'tkazilishi taminlandi. 

2020 yilning qolgan qismi uchun taqvim:

Kadetlar o'rtasidagi Evropa chempionati - 5-11 oktyabr, Polsha

O'smirlar o'rtasidagi Evropa chempionati - 19-25 oktyabr, Skope (Makedoniya)

23 yoshgacha kurashchilar o'rtasidagi jahon chempionati - 23-29 noyabr, Tampere (Finlyandiya).

UWW Ijroiya qo'mitasi xalqaro mavsum restarti uchun rejalarni ishlab chiqdi va tasdiqladi. Unda asosiy etibor sportchilar va boshqa ishtirokchilarning sog'lig'i hamda xavfsizligini taminlash, COVID-19 bo'yicha barcha chora-tadbirlarga amal qilish masalalariga qaratilgan. Musobaqaga yaqin mezbon davlatdagi koronavirus bilan bog'liq holatga qarab qabul qilingan mezonlarga o'zgartirish kiritilishi mumkin.  

SHuningdek, o'tkaziladigan barcha turnirlar UWW qabul qilgan qoidalarga mos kelishi hamda musobaqa startidan ikki oy oldin tasdiqlanishi shart. Jahon va qita chempionatlarida 10 tadan kamida 8 ta kuchli jamoalarning ishtiroki taminlanishi hamda o'tgan yilgi umumiy qatnashchilar soni 70 foizdan kam bo'lmasligi shart.