Jahon chempionatiga bir qadam qoldi: Gandbolchilarimizning raqibi aniq

Musobaqaning ahamiyatli tomoni shundaki, ushbu chempionatda kuchli oltilikka kirgan terma jamoalar jahon chempionati yo'llanmasiga ega chiqishlari mumkin. 

Ertaga, 23 sentyabr kuni musobaqa doirasida pley-off bahslari tashkil etiladi. 5-8 o'rinlar uchun to'rt terma jamoa bahs olib boradi. 

O'zbekiston terma jamoasi kuchli oltilikka kirish uchun mezbon Iordaniya terma jamoasiga qarshi bahs olib boradi. Agar qizlarimiz mazkur bahsda g'alabaga erishsalar, shu yil dekabr oyida Ispaniyada tashkil etiladigan jahon chempionatiga yo'l oladilar. 

Ikkinchi juftlikda esa Suriya hamda Gonkong terma jamoalari JCH yo'llanmasi uchun bahs yuritadilar. 

Bungacha Janubiy Koreya, Eron, Yaponiya va Qozog'iston terma jamoalari yarim finalga chiqib, jahon chempionati yo'llanmasini naqd qilib qo'ygandilar.