Jamoaviy bahslarda bronza medali qo'lga kiritildi

Xabar berganimizdek, bugun musobaqaning so'nggi to'rtinchi kuni jamoaviy bahslar o'tkazilmoqda. Biroz avval O'zbekiston terma jamoasi mezbonlar - qirg'izistonlik dzyudochilarni 4:1 hisobida mag'lubiyatga uchratib, Osiyo-Okeaniya chempionatining jamoaviy bahslaridagi bronza medalini qo'lga kiritdi.

Terma jamoamiz avvaliga Turmanistondan ustun kelgandi. Ammo, yarim finalda Janubiy Koreya dzyudochilariga imkoniyat boy berilgandi. Finalda Janubiy Koreya terma jamoasi Qozog'istonni 4:2 hisobida engdi. 

SHu tariqa, O'zbekiston terma jamoasi Osiyo-Okeaniya chempionatidagi ishtirokini yakunladi. Jamoamiz yakkalik bahslarida 3 ta oltin, 2 ta kumush, 5 ta bronza medali bilan umumjamoa hisobida 29 davlat orasida 2-o'rinni band etgandi.