Jastin Getji: "Oliveyraning yuzini bejab qo'yishni intiqlik ila kutyapman"

Braziliyalik chempion uchinchi raundda Dastin Poreni bo'g'ish usuli bilan mag'lubiyatga uchratgan edi.

"Menga bu yoqdi. CHarlzga hurmatimni izhor qilaman. U shak-shubhasiz chempion. Unga qarshi kechadigan jangni intizorlik bilan kutaman. Menga qachon va qaerda, ochig'i farqi yo'q! Bugun kechqurun raqobatchimni ko'rdim. U haqiqiy vahshiy. Uning yuzini bejab, sindirib tashlashni sabrsizlik bilan kutyapman. CHarlz ko'p zarba o'tkazib yuboradi. Hozirdan meni bo'g'ib qo'yishini so'rab iltijo qilsin. Boshqa har qanday holatda uni muqarrar mag'lubiyat kutadi", - dedi Getji ESPN kanaliga bergan intervyusida. 

UFC prezidenti Dana Uayt kechagi turnirdan keyin o'tkazilgan matbuot anjumanida Jastin Getjini keyingi davogar sifatida elon qilgandi.

"Ha, Jastin Oliveyraning keyingi raqibi bo'ladi", - degandi Uayt.