JCH Hasanboy Do'smatov uchun havaskor boksdagi so'nggi chempionatmi? To'lqin Qilichev javob berdi

"Hasanboyni jangidan ko'nglim to'ldi. U professor. Terma jamoamizning aqlli bokschilaridan biri. Uning jangini tomosha qilib zavqlanasiz. Unga burchakda ko'p gapirish ham shart emas. U Olimpiada chempioni. O'z vaqtida eng zo'ri bo'lgan. Hozir ham formasini qayta tikladi va yana avvalgidek uning chiqishlaridan zavq olyapmiz. CHiroyli jang o'tkazdi, ortiqcha kuch ishlatish ham shart emasdi. O'z mahorati, maktabi bilan oddiy tarzda g'alaba qozondi. 

Ikkinchi raunda bir hakam ochkolarni raqib hisobiga berdi? Kimda boks qanday bo'lsa, hakamlik ham shu darajada bo'ladi. Hakamlarni o'ziga yarasha baholash mezonlari bor. Biz uni ha deb qabul qilamiz.

Hasanboy uchun bu havaskor boksdagi so'nggi chempionatmi? Buni Do'smatovni o'zi hal qiladi. Hozircha bu haqda nimadir deya olmayman. So'nggilaridan biri bo'lishi kerak. Yoshi ham o'tib boryapti. Asosiy maqsad - Olimpiada! Hozir u O'zbekistonda eng kuchlisi bo'lsa, nega uni Olimpiadaga olib bormasligimiz kerak. Eng zo'ri bo'lsa, albatta hali havaskor boksda davom etadi", - dedi Qilichev.