Jeyk Pol barcha UFC jangchilarini dopingga tekshirmoqchi

Avvalroq, Dana Uayt Polni steroidlar qabul qilishda ayblagandi.

"Dana, men sen bergan shartning barcha qismini qabul qilaman. Masvidal bilan MMAda jang qilishimni aytdim. Senga qachon qulay bo'lsa, o'shanda meni steroidlarga tekshirishing mumkin. Jangimdan ikki hafta o'tib men cho'chqaday semirdim, qara. Men hech qanday steroidlar qabul qilmayman. Senda boshqa bahona yo'q. CHempionlaringni ikki marta nokaut qildim. Agar sen meni tekshirsang, men ham sening jangchilaringni steroidlarga tekshiraman. Bunday bo'lishini xohlamassan?", - dedi Jeyk Pol.

Bundan tashqari, Jeyk Pol tashkilot rahbarini jangchilarga kam pul to'lashda ham aybladi.

"Sen mening hech bir gaplarimga umuman javob qaytarmading. Dana Uayt - men hayotimda ko'rgan eng yomon kapitalistlardan biri. Sen o'z jangchilaringga boshlanishiga 12 ming dollar to'laysan. Farroshlar ham shuncha pul topadi. Jangchilaring eng kamida 50 ming dollar olishlari kerak. 

"Xorxe Masvidalni PPV qiroli deb atading. Sen shunchaki uning oxirgi postidagi layklar soniga qara. 5-10 ming dona. Hatto, mening onamda ham bu raqam ko'proq. Insonlar aldashadi, ayollar aldashadi, Dana Uayt aldaydi. Ammo, raqamlar aldamaydi. Sen mening menejerimni haqorat qilding. U senga kompaniyani 4 mlrd dollarga sotishga yordam bergandi. Sen pastkashsan, Dana. Haqiqiy baxt nimaligi senga begona. Sen pul hayotimni yaxshiroq qiladi deb o'ylaydigan baxtsiz milliardersan. Senga achinaman", - dedi Jeyk Pol