16 noy 15:32
Yangiliklar

Boks/MMA

Jeyk Pol - Mayk Tayson jangi chiptalari sotuvi rekord o'rnatdi

Bugun AQSHning Arlington shahrida o'tkazilgan professional boks kechasi bir nechta rekordlarni yangiladi.

Oqshomning markaziy jangi 58 yoshli Mayk Tayson hamda taniqli bloger-bokschi Jeyk Pol o'rtasida o'tkazilib, unda 27 yoshli Pol ochkolar hisobiga ko'ra g'alaba qozongandi. Ushbu jangni tomosha qilish uchun arenaga 70 mingdan ziyod tomoshabin tashrif buyurdi. Jang chiptalari 17,8 million dollarga sotildi. Bu professional boks tarixidagi rekord ko'rsatkich hisoblanadi.

Texas shtati uchun esa bu ko'rsatkich deyarli ikki barobarga ko'p degani. Saul Kanelo Alvares hamda Billi Jo Sonders o'rtasidagi jang chiptalari 9 million dollarga sotilgan edi.