Jeyk Pol ringga qaytish muddatini aytdi

U shu yilning noyabr-dekabr oylarida ringga qaytishni rejalashtirmoqda.

"O'ylashimcha, to'rt-besh oydan keyin sparringlarga kirisha olaman, — dedi Jeyk Pol Sky Sports’ga bergan intervyusida jag'i singanidan keyingi tiklanish haqida gapirib. — Kundan kunga yaxshilanyapti, lekin bu, albatta, noqulaylik tug'diradi. Ko'ramiz, sparringlarga qaytganimda nima bo'lar ekan. Ehtimol, jang noyabr-dekabr oylarida o'tkazilishi mumkin".

Avvalroq Jeyk Pol endigi raqibi UFC sobiq chempioni Frensis Ngannu bo'lishi mumkinligini aytgandi. Hozirda u 2023 yilda o'zi mag'lub bo'lgan britaniyalik bokschi Tommi Fyuri bilan revansh jangi o'tkazish imkoniyatini butunlay rad etdi.

"Biz Fyuri bilan kelishib olishga juda ko'p urindik, lekin ular shunchaki aqldan ozganlar, — deya takidladi Pol. — Menda kimnidir umrbod taminlashga hojat yo'q, hech kim Tommi Fyurini tanimaydi. Endi ular bilan kelishishga harakat qilmayman. Mana shunaqa gaplar", - dedi amerikalik.

SHuningdek, Jeyk Pol aralash yakka kurashlarda debyut qilish niyatida ekanligini va buni Aleksandr Usikka qarshi MMA qoidalari bo'yicha jangda amalga oshirishni rejalashtirayotganini tasdiqladi.

"Bu jiddiy gap, lekin nima bo'lishini ko'ramiz, — dedi Pol Usik bilan jang haqida. — Avval mashg'ulotlarga qaytishim kerak. Hayotda hali ko'p ishlar qilish mumkin".