Jismoniy imkoniyati cheklangan bolalar uchun sport bayrami

Milliy paralimpiya Associaciyasi, O'zbekiston Respublikasi jismoniy tarbiya va sport vazirligi hamda O'zbekiston Respublikasi madaniyat vazirligi bilan hamkorlikda O'zbekiston Respublikasi Prezidentining 2017 yil 9 martdagi “O'zbekiston sportchilarini 2020 yil Tokio shahrida (Yaponiya) bo'lib o'tadigan XXXII yozgi Olimpiya va XVI Paralimpiya o'yinlariga tayyorgarlik ko'rishi to'g'risida”gi PQ-2821-sonli qarori va 2017 yil 1 avgustdagi “Nogironligi bo'lgan shaxslarni davlat tomonidan qo'llab-quvvatlash tizimini tubdan takomillashtirish chora-tadbirlari to'g'risida”gi F-5006-sonli farmoyishida belgilangan vazifalar ijrosini taminlash maqsadida poytaxtimizda joylashgan imkoniyati cheklangan bolalar uchun  ixtisoslashtirilgan maktab-internatlari va kollej tarbiyalanuvchilari o'rtasida  “Navro'z” bayramiga bag'ishlangan musobaqa tashkil etdi. Turnir stol tennisi, shashka va mini-futbol sport turlari bo'yicha o'tkazildi.

Takidlash lozimki, musobaqani o'tkazish orqali mamlakatimizda imkoniyati cheklangan yoshlarni sportga jalb qilish, ular o'rtasida sog'lom turmush tarzini targ'ib etish, shu orqali jismoniy nuqsoni bor bolalarni jamiyatga integraciyalash va hayotga bo'lgan qiziqishini yanada orttirish kabi muhim jihatdan qamrab olindi.

Bellashuvlarda 80dan ortiq bolalar ishtirok etdilar. Musobaqaning barcha ishtirokchilariga O'zbekiston Milliy paralimpiya Associaciyasi va O'zbekiston Respublikasi jismoniy tarbiya va sport vazirligi tomonidan esdalik sovg'alari topshirildi. Ishtirokchilarni qo'llab-quvvatlash maqsadida tashrif buyurgan elimiz suygan sanatkorlar o'zlarining chiqishlari va bolalar uchun samimiy tilaklari bilan barchani hushnud qildilar.