Jismoniy tarbiya va ommaviy sportni yanada rivojlantirish bo'yicha anjuman o'tkazildi FOTOREPORTAJ

O'zbekiston Respublikasi Jismoniy tarbiya va sport vazirligi, O'zbekiston Davlat jismoniy tarbiya va sport universiteti, O'zbekiston Yoshlar ittifoqi CHirchiq shahar kengashi hamkorligida“ O'zbekistonda jismoniy tarbiya va ommaviy sportni yanada rivojlantirish istiqbollari” mavzusida respublika ilmiy-amaliy anjumanini o'tkazildi. 

Tadbir O'zbekiston Respublikasi Prezidentining 2017 yil 9 martdagi “2020 yil Tokio shahrida (Yaponiya) bo'lib o'tadigan XXXII  yozgi olimpiya va XVI Paralimpiya o'yinlariga O'zbekiston sportchilarini munosib tayyorlash to'g'risida”gi PQ-2821 qarori, 2017 yil 3 iyundagi “Jismoniy tarbiya va ommaviy sportni yanada rivojlantirish chora-tadbirlari to'g'risida”gi PQ-3031 qarori, 2019 yil 8 oktyabrdagi PF-5847 Farmoniga muvofiq tasdiqlangan “O'zbekiston Respublikasi oliy talim tizimini 2030 yilgacha rivojlantirish Koncepciyasi”, joriy yilning 29 oktyabr kuni qabul qilingan O'zbekiston Respublikasining “Ilm-fan va ilmiy faoliyat to'g'risida”gi qonuni ijrosi doirasida tashkil etildi.

Ilmiy-amaliy anjumanning ochilish marosimidan so'ng 6 ta sho'bada fikrlar almashinuvi davom ettirildi. Tadbirda sohada ko'zga ko'ringan olimlar bilan birga Belarus davlat jismoniy tarbiya universitetining “Psixologiya” kafedrasi mudiri, pedagogika fanlari doktori Vladimir Gennadevich Sivickiy, “Bioximiya va fiziologiya” kafedrasi mudiri, biologiya fanlari doktori Irina Nikolaevna Rubchenya hamda rossiyalik olim Viktor Vladimirovich SHiyanning maruzalari, xalqaro mutaxassis sifatida ishtiroki anjuman nufuzini yanada oshirishga xizmat qildi.

Suratlar muallifi - Alimurod Mamadaminov