Jismoniy tarbiya va sport talimi doimiy etiborda

SHuningdek, joylaridagi talim muassasalarini yuqori malakali pedagog kadrlar bilan taminlash hamda xalqaro standartlar darajasiga mos oliy malumotli pedagogik kadrlar tayyorlash tizimini joylarda tashkil etishni yanada takomillashtirish va talim sifatini yaxshilash maqsadida O'zbekiston Respublika Prezidentining 2017-yil PQ-3152 sonli qarori asosida Toshkent viloyati CHirchiq davlat pedagogika instituti tashkil etildi. 

Dastlab, institutda 5 ta fakultet ish boshlagan bo'lsa, hozirgi kunda universitet maqomi ostida 10 ta fakultet faoliyatini davom etirmoqda va shulardan biri Jismoniy madaniyat fakultetidir (dekan, docent (PhD) Telman Achilov). Fakultet qoshida esa 4 ta kafedra - Jismoniy madaniyat nazariyasi kafedrasi (mudiri, docent (PhD) Ilhom CHoriev), Sport o'yinlari va uni o'qitish metodikasi kafedrasi (mudiri, docent (PhD) Vohid Karaev), Jismoniy madaniyat va sport kafedrasi (mudiri, docent (PhD) Akromjon Abdulaxatov), Texnolog talim kafedrasi (mudiri Jamshid Hamidov) tashkil etildi.

Fakultetda ayni paytda 2392 talaba 40 nafar malakali professor-o'qituvchilar ustozligida tahsil olishmoqda. Faklultet hamkorlik aloqlariga alohida etibor qaratgan.

Xususan, Jismoniy madaniyat fakulteti pedagogik talim innovacion klasterida belgilangan vazifalarni bajarish, Yangi O'zbekistonning yangi pedagogik kadrlarini tayyorlash, o'quv-uslubiy taminotni takomillashtirish, ilmiy-amaliy tadqiqotlarni xalqaro doirada amalga oshirish, xalqaro darajadagi o'qituvchilarni tayyorlash maqsadida Toshkent viloyatidagi umumiy o'rta talim va kasb-hunar maktablari, Respublika oliy talim muassassalari, xorijiy oliy talim muassassalari hamda ko'plab jamoat tashkilotlari bilan manfaatli hamkorlik aloqalarini yo'lga qo'ygan.

Hamkorlikka yo'naltirilgan tadqiqotlarda amalga oshiriladigan vazifalar quyidagilar: 

- O'zbekiston Respublikasi Prezidentining 2022 yil 2 iyundagi PQ-289-sonli qarori ijrosini taminlashga qaratilgan umumtalim maktablari bilan hamkorlikni takomillashtirish;

- Respublikadagi oliy talim muassasalari bilan talabalar akademik mobilligi yordamida tajriba almashish; 

Respublika kurash instituti, O'zDJTSU, Muxtor Avezov nomidagi janubiy Qozog'iston universiteti hamda MOQ hamkorligidagi jismoniy madaniyat, sport va manaviy-marifiy tadbirlarni tizimli tashkil etish, OAV va ijtimoiy tarmoqlarda yoritib borishdan iborat.  

Bundan tashqari talbalarni bo'sh vaqtlarini mazmunli tashkil etish, iqtidorli talabalarni saralash, Universiada sport o'yinlariga munosib tayyorgarlik kurish kabi maqsadlarni ko'zlagan holda turli sport to'garaklari faoliyati yo'lga qo'yilgan. Jumladan, futbol, voleybol, basketbol, qo'l to'pi, kurash, stol-tennisi, shaxmat, shashka, engil atletika, vorkaut singari to'garaklarda talaba-yoshlar ko'pchilikni tashkil  etadi.  

Fakultet talabalarining musobaqalardagi yutuqlari ham bisyor. Talabalarimiz kurash, dzyudo, voleybol, futbol, engil atletika singari musobaqalarning Respublika final bosqichlarida ishtirok etib, kuchli uchlikdan joy olishga muvaffaq bo'lishmoqda.  

Darvoqe, mamnuniyat bilan takidlash joiz, 2024-2025 o'quv yilida fakultet binosi to'liq qayta tamirdan chiqarildi, sport maydonlari esa qaytadan qurib bitkazildi. Amaliy mashg'ulotlar, dars jarayonlari endi zamonaviy sport maydonlarida, keng va yorug' xonalarda olib borilmoqda.

Bir so'z bilan aytganda, universitetda talimga, xususan, jismoniy tarbiya va sportga qaratilgan etiborni etirofga sazovor, deyish mumkin.

Abdilhakim JUMAEV, Jismoniy madaniyat fakultetining Jismoniy madaniyat va sport kafedrasi katta o'qituvchisi