16 okt 08:24
Yangiliklar

Tadbirlar

Jismoniy tarbiya va sport universiteti talabalari xalqaro konferenciyada ishtirok etdi

Qozog'istonning Olmaota shahrida Xalqaro universitet sport federaciyasi va Xalqaro jismoniy tarbiya va sport universitetlari associaciyasi homiyligida “Universitet sporti: millat salomatligi va farovonligi” mavzusida IX Xalqaro yosh olimlar va talabalar o'rtasida ilmiy konferenciya bo'lib o'tdi.

Konferenciyada O'zbekiston davlat jismoniy tarbiya va sport universiteti rektori, professor M.Boltabaev rahbarligida universitetning sport o'yinlari fakulteti 4-bosqich talabasi Karina Alimova hamda 3-bosqich talabasi Olga Klyuchnikovalar ishtirok etishdi.

Anjuman turli mamlakatlarning jismoniy madaniyat va sport sohasidagi talabalar hamda yosh olimlarini birlashtirib, talabalar sportini rivojlantirish muammolari va istiqbollari, yoshlarning sog'lig'i va jismoniy rivojlanishini kuchaytirish vositalari va usullarini izlab topishga xizmat qiladi.

Konferenciyadan ko'zlangan asosiy maqsad – talabalar sportini rivojlantirishning turli jihatlarini muhokama qilish, salomatlikni saqlash va targ'ib qilish, talabalarni jismoniy tarbiya va sport bilan muntazam tanishtirib, yangi sport texnologiyalarini aniqlashga yordam berishdan iborat.