“Jismoniy tayyorgarlik darajalari” maxsus test sinovlari musobaqa tarzida tashkil etildi

Viloyat jismoniy tarbiya va sport boshqarmasi tasarrufidagi  Mirzabod, Oqoltin tumanlari hamda SHirin shahri bolalar-o'smirlar sport maktablari direktorlari, direktor o'rinbosarlari, yo'riqchi-uslubchilar, sport turlari bo'yicha trenerlar va ishchi xodimlar ishtirokida  “SHaxsiy namuna” tamoyili asosida o'zlarining antropometrik ko'rsatkichlarini yaxshilashga qaratilgan “Jismoniy tayyorgarlik darajalari” maxsus test sinovlari musobaqa tarzida tashkil etildi.

“Jismoniy tayyorgarlik darajalari” sportning engil atletika, og'ir atletika turlari bo'yicha: turnikka tortilish, 100 va 200 mtr masofaga yugurish, chalqancha yotgan holda gavdani ko'tarish (press), polga tayangan holda qo'llarni bukib yozish (odjimaniya) bo'yicha o'tkazilgan bo'lsa, musobaqalar sportning shaxmat-shashka, stol tennisi va voleybol turlari bo'yicha o'tkazildi.

Sport tadbirlari yakunida  normativ talablarni bajargan hamda faol deb topilgan ishtirokchilar bolalar-o'smirlar sport maktablari rahbariyati tomonidan esdalik sovg'alar bilan taqdirlanishdi.