Jiu-jitsu ustasining qizi UFC kamari uchun harakatni boshladi. U nafaqat kuchli, balki go'zal hamdir... + FOTOGALEREYA

27 yoshli jangchi mashhur jiu-jitsu ustasi Vellington Diasning qizi hisoblanadi. SHu sababli ham uning jang uslubida kurash asosiy o'rinni egallaydi. Dyorn uch yoshidan boshlab otasi bilan mashg'ulotlar olib boradi. Uning zarbalari ham kuchli va xavfli, lekin g'alabalarining barchasiga og'ritish usuli bilan yoki ochkolar hisobiga ko'ra erishgan. 

Yaqinda bo'lib o'tgan UFC Fight Night 178 kechasida Makkenzi yana bir bor qanday kuchga ega ekanligini ko'rsatib qo'ydi. Asli braziliyalik bo'lgan qizaloq tajribali Randa Markosga qarshi jang qildi. Jangdan avval kanadalik Randa o'ziga yuqori baho berdi va Makkenzini kurash usuli bilan mag'lub etishga vada berdi. Ammo... jangning birinchi soniyalaridan boshlab Dyorn olg'a bordi va birin-ketin kuchli zarbalar bilan raqibasini «siyladi». Keyin Makkenzi xavfli bo'lgan xay-kik zarbasini yo'lladi va zarba to'g'ri Markosning boshiga etib keldi. SHundan so'ng esa 27 yoshli go'zal raqibasini parter holatiga soldi va birinchi raundning to'rtinchi daqiqasida og'rituvchi usul bilan g'alaba qozondi.

Jang yakunida esa Makkenzi Dyorn raqibasiga minnatdorchilik bildirib qo'ydi. Bu g'alabadan so'ng Makkenzining oktagondagi g'alabalari soni to'qqiztaga etdi. SHulardan oltitasini og'rituvchi usul bilan erishgan. Dyorn jang vaqtida raqiblarini oyoq zarbasi bilan ushlashga harakat qiladi va keyin ularni parterda qiynaydi. Braziliyalik sportchi faoliyati davomida faqatgina bir marta Amanda Ribasga imkoniyatni boy berib qo'ygan. Lekin bu mag'lubiyat ham uning foydasiga ishladi. Sababi mag'lubiyatdan so'ng Makkenzi jismoniy holatiga alohida ishlashni boshladi va chidamlikni oshirdi. Dyornning farzandli bo'lishi esa unga yana bitta plyus olib keldi. CHunki shundan so'ng Makkenzi xonim vazn tashlashda umuman qiyinchilikka uchramayapti. Ayni vaqtda eng engil vazn toifasida 14-raqamda saralangan Makkenzi Dyorn chempionlik kamari uchun harakatni boshlab yuborgan. Nima bo'lgan taqdirda ham UFC go'zaliga kelajakdagi faoliyatiga omad tilab qolamiz.