Jizzaxda Sog'lom kelajak sari sport festivali bo'lib o'tdi

O'zbekiston Respublikasi Prezidenti SH.M.Mirziyoev rahbarligida 2019 yil 19 martdagi o'tkazilgan videoselektor majlisida belgilab berilgan 5 ta muhim tashabbusning ikkinchisi yo'nalishi bo'lgan yoshlarni jismonan chiniqtirish, ularni sport sohasida qobiliyatlarini namoyon qilishlari uchun zarur sharoitlar yaratishga yo'naltirilgan tashabbus ijrosini taminlash maqsadida yurtimizning barcha hududlarida sport tadbirlari muntazam o'tkazib kelinmoqda.

Jumladan, Jizzax viloyati jismoniy tarbiya va sport boshqarmasi va qator tashkilotlar hamkorligida «Sog'lom kelajak sari» shiori ostida yoshlar sport festivali bo'lib o'tdi.

Ushbu sport festivali chekka – Arnasoy tumanidan boshlandi. Mazkur sport festivaliga tumandagi mavjud umumtalim maktablaridan 350 nafardan ortiq yoshlar qamrab olindi. Yosh sportchilar besh kilometr masofaga marafon, gandbol, futbol, basketbol va voleybol sport turlari bo'yicha musobaqalarda ishtirok etishdi.

Ko'tarinki kayfiyatda o'tkazilgan katta sport tadbiri bayramona koncert dasturiga ulanib ketdi.

Tadbir yakunida ushbu sport festivalida faol ishtirok etgan yoshlar mutasaddilar tomonidan tasis etilgan esdalik sovg'alari bilan taqdirlanishdi.

Eslatib o'tamiz, «Sog'lom kelajak sari» yoshlar sport festivali viloyatning barcha shahar va tumanlarida davom etmoqda.