Joshuaga Uaylderga qarshi jang o'tkazish taklifi berildi

Uning aytishicha, Deniel Dyubuadan qabul qilib olingan sharmandali mag'lubiyatdan keyin Joshua ortiq chempionlik kamarlari haqida o'ylamasligi kerak. 

"Seni do'pposlashsa, bu omadsiz kun emas. Men Entoniga chempionlik orzusidan voz kechib, o'zi singari qora yo'lakka tushib qolgan Deontey Uaylder bilan jang o'tkazishni taklif qilaman. Deontey ketma-ket ikkita mag'lubiyatni qabul qildi. 

O'ylashimcha, to'laqonli IBF chempionligini qo'lga kiritgan Dyubua Joshuaga revansh imkoniyatini bermaydi. Uning saudiyaliklar bilan ikkita jang uchun shartnomasi bor edi. Kelishuvda revansh haqida band yo'q. Ikkinchi jangini katta ehtimol bilan Fyuri - Usik jangi g'olibiga qarshi o'tkazadi. Qarab turing, u shunday ham qiladi", — dedi 93 yoshli Arum.