02 may 11:58
Yangiliklar

Boks/MMA

Kamaru Usman Xamzat CHimaevga "vyzov" tashladi

Yarimo'rta vazn toifasida sobiq UFC chempioni Kamaru Usman navbatdagi jangini o'rta vaznda o'tkazish istagini bildirdi.

Bu bilan u Xamzat CHimaevga qarshi jang o'tkazish niyatida ekanini oshkor etmoqda.

"O'ylashimcha, Leon Edvards chempionlik kamarini o'zida saqlab turadi. Har qanday holatda ham men o'zimni divizionning eng kuchlisi deb bilaman. Bizda kim ikkinchi raqamli jangchi? Kolbi? U Leon bilan jang qiladi. Kim uchinchi? Xamzat. Aynan men u bilan jang qilishim kerak. Ungacha Leon kamarni o'zida saqlab qololsa, u holda bizning to'rtinchi jangimiz ham o'tkaziladi", - deya ESPN kanaliga intervyu bergan nigeriyalik.

Eslatib o'tamiz, o'tgan yilning avgust oyida Kamaru Usman aynan Leon Edvardsga beshinchi raundda imkoniyatni boy berib, kamaridan mahrum bo'lgan edi. Oradan etti oy o'tib, Edvards revansh jangida yana g'alaba qozondi.

Xamzat CHimaev hozirda UFC promoushenida 6 ta g'alabali seriya bilan ketmoqda. U keyingi jangini katta ehtimol bilan 21 oktyabr kuni Abu-Dabi shahrida tashkil etiladigan UFC 294 turniri doirasida braziliyalik Paulo Kostaga qarshi o'tkazadi.