Kanelo: Golovkin men bilan jangdan keyin nima qildi? Hech narsa!

O'tgan haftada Fyuri - Uaylder jangidan so'ng ko'pchilik muxlislar Saul Kanelo (56-1-2, 38 KO) va Gennadiy Golovkin (41-1-1, 36 KO) o'rtasidagi trilogiyani ko'rish mumkinmi deb o'ylashmoqda. Kanelo Golovkin bilan uchinchi marta uchrashishni istisno qilmayapti, lekin uning fikricha, raqibi ikkinchi to'qnashuvdan so'ng hech narsaga erisha olmagan. Ikkinchi jangdan buyon Saul olti marta ringga ko'tarildi, Gena es atigi uch marta.

«Men hamma narsaga tayyorman», - dedi Kanelo ESPN telekanaliga bergan intervyusida.

«Men eng yaxshi janglarni o'tkazishga tayyorman. Siz jurnalistlar bu trilogiyaga osilib turing. Men undan ham muhimroq ishlarni qilyapman. U qaerda? U o'shandan beri nima qildi? Men kabilar bilan jang qildimi? Faoliyatimda boshqa muhim ishlarni bajaryapman - chempionlarni mag'lub etish, mag'lubiyatsiz jangchilarga qarshi chiqish», - dedi Alvares.