Karanoning murabbiyi: "Jina qo'llarida erkaklardek uradi, oyoqlarida esa otdek tepadi"

Jina ertaga tongda AQSHning Los-Anjeles shahrida tashkil etiladigan Most Valuable Promotions turnirining asosiy jangida sobiq UFC chempioni Ronda Rouziga qarshi bahs olib boradi. 

"SHunday deyman: kuchi va tezligi hamon joyida. Men Jinani uzoq vaqtdan beri bilaman va u haqiqatan ham zarbalariga tayanadi. U xuddi erkaklardek uradi. Bu jangda asosiysi — shu sifatlardan to'g'ri foydalanish bo'ladi. Karano shunchalik qudratliki, hatto raqibasiga shikast etkazish uchun bor kuchi bilan urishi ham shart emas. U haqiqatan ham juda katta kuchga ega. Jina men bilan ishlaydigan ko'plab yigitlardan ko'ra kuchliroq zarba beradi. Bu haqiqat. Oyoqlari bilan otdek tepadi. Asosiysi, bularning barchasidan oqilona foydalanishdir", - dedi amerikalik mutaxassis MMA Fighting nashriga bergan intervyusida.

O'z vaqtida dzyudo bo'yicha Olimpiadaning bronza medali sovrindori bo'lgan Rouzi jangga aniq favorit sifatida chiqadi. Ammo Vudning takidlashicha, Karano raqibasi unga taklif qiladigan hamma narsani, xoh u dzyudo, jiu-jitsu yoki kurash bo'lsin, neytrallash uchun mashg'ulotlarda ko'p ishlagan.

"Bunda hech qanday sir yo'q. Bu klassik zarba beruvchi va grepler o'rtasidagi qarama-qarshilik, ammo MMAda aql bovar qilmas voqealar sodir bo'ladi. Buyuk jangchilar qanday engilganini ko'rgansiz. Jiu-jitsu ustalarini oddiy ko'k kamarlar engganini ko'rdik. O'rtamiyona jitserlar eng yaxshi hujumkor jangchilarni nokautga uchratganiga guvoh bo'ldik. Biz mashg'ulot lagerimizga kuchli dzyudochilarni jalb qildik va ertangi jangga tayyormiz.

Raqib nima qilishini yaxshi bilamiz, lekin jang boshlanganda hammasi o'zgaradi. Bitta qo'l zarbasi butun jang rejasini barbod qilishi mumkin. Bitta zarba hamma narsani o'zgartirishi mumkin. Bitta tekdaun - vaziyat butunlay o'zgaradi. Men jangchilarga reja bilan ortiqcha yuk berishni yoqtirmayman. Ortiqcha bosimni olib tashlab, shunchaki jangga chiqish kerak. Nima bo'lishidan qati nazar, biz bunga tayyor turamiz", - deya xulosa qildi Vud.