Karlos Alkaraz ilk bor "Uimbldon" yarim finaliga chiqdi

Alkaraz chorak finalda jahonning 6-raketkasi daniyalik Xolger Runega qarshi bahs olib bordi. 

Ikki soatu 23 daqiqa davom etgan uchrashuvda ispaniyalik tennischi raqibini 7/6(3), 6/4, 6/4 hisoblarida mag'lub etib, faoliyatida ilk bor "Uimbldon"ning yarim finaliga chiqdi. Ushbu g'alaba orqali u Rune bilan o'zaro uchrashuvlardagi hisobni tenglashtirdi, 1:1. 

Endi Alkaraz final chiptasi uchun ATR reytingida 3-o'rinni egallab turgan rossiyalik Daniil Medvedevga qarshi kortga chiqadi.