24 avg 17:50
Yangiliklar

Boks/MMA

Karlos Prates UFC 334 turnirida Maxachev bilan jang qilmoqchi ekanligiga ishora qildi

UFC reytingida ikkinchi o'rinni egallab turgan Karlos Prates o'zining ijtimoiy tarmoqdagi sahifasida bu haqda xabar berdi.

Braziliyalik aralash yakkakurash ustasi 14 noyabr kuni Nyu-Yorkda bo'lib o'tadigan UFC 334 turnirida yarim o'rta vazn toifasida UFC chempioni rossiyalik Islam Maxachev bilan ehtimoliy jangga ishora qilgan.

Postda Prates #Andnew heshtegidan foydalangan, shuningdek, Maxachevning akkauntini jangchining ismi yoniga so'roq belgisi qo'yib belgilagan.

Avstraliyaning Pert shahridagi UFC Fight Night 275 turniri doirasida bo'lib o'tgan so'nggi jangida Prates yarim o'rta vazn toifasida sobiq UFC chempioni Jek Della Maddalenaga qarshi oktagonga chiqdi va uchinchi raundda texnik nokaut evaziga g'alaba qozondi.