Kasatkina Cincinnatida 1/8 finalga yo'l oldi

Dunyoning 13-raketkasi bo'lib turgan Darya Kasatkina musobaqaning ikkinchi davrasida oson g'alabani qo'lga kiritdi. Rossiyalik tennis malikasi WTA reytingida 45-pog'onada borayotgan franciyalik Varvara Grachyovani 6/3, 6/1 hisobida mag'lubiyatga uchratdi. Dasha bu g'alabasi bilan tennischilarning o'zaro uchrashuvlaridagi hisob muvozanatini ham tikladi - 2:2. 

Etmish olti daqiqa davom etgan bahsda Kasatkina 2 ta eys, 4 ta breykni amalga oshirib, 2 ta qo'shxatoga yo'l qo'ydi. Darya Western & Southern Open turnirining 1/8 finalida belaruslik Arina Sobolenkoga qarshi kortga chiqadi. Arina ikkinchi bosqichda amerikalik Enn Lini qiyinchilik bilan mag'lubiyatga uchrata oldi - 7/5, 2/6, 6/4.