15 noy 13:41
Yangiliklar

Sport kurashlari

Kattalar o'rtasidagi O'zbekiston chempionatiga ikki kun qoldi

17-19 noyabr kunlari Navoiy shahrida sport kurashlari (yunon-rum, erkin va ayollar kurashi) bo'yicha kattalar o'rtasidagi O'zbekiston chempionati bo'lib o'tadi.

Yakkakurash turlariga ixtisoslashtirilgan bolalar va o'smirlar sport maktabi mezbonligida o'tadigan yilning asosiy musobaqasida Qoraqalpog'iston Respublikasi, barcha viloyatlar hamda Toshkent shahridan jami 450 nafar kurashchi mamlakat chempionligi uchun bahslarga kirishadi. Uch kun davomida uchta yo'nalish bo'yicha jami 30 ta medallar jamlanmasi uchun qiziqarli bellashuvlar bo'lib o'tadi.

Etiborli jihati shundaki, kattalar o'rtasidagi o'tgan yilgi O'zbekiston chempionatiga ham Navoiy shahri mezbonlik qilgan edi. Musobaqaning birinchi kuni yunon-rum, 18 noyabrda erkin, so'nggi kuni esa ayollar kurashi bo'yicha O'zbekiston chempionlari aniqlanadi.