Kayrat Satjanov: "Hakamlar g'alabalarimizni o'g'rilashdi"

Malumot uchun, yon qo'shnilarimizdan Sanjar Tashkenbay (-48 kg), Aslanbek SHimbergenov (-71 kg) va Aybek Oralbay (-92 kg) oltin, Saken Bibosinov (-51 kg), Mahmud Sabirxan (-54 kg), Serik Temirjanov (-57 kg), Dulat Bekbaulov (-67 kg), Nurkanat Rayis (-75 kg), Kamshibek Kunkabaev (+92 kg) kumush, Samatali Toltaev (-60 kg), Nurbek Oralbay (-80 kg), Sagindik Togambay (-86 kg) bronza medallariga ega chiqdi. 

— Sanjar Tashkenbay Osiyo chempionatida o'zini ijobiy tomondan ko'rsata oldi va yakunda chempion bo'ldi. Bu bilan u ushbu vaznda dunyoning kuchli bokschilariga boshog'riq bo'la olishini isbotladi. 

Saken Bibosinov barcha janglarini yaxshi o'tkazdi. Hasanboy Do'smatovga qarshi kechgan final jangida yutqazmadi. U noxolis hakamlik qurboni bo'ldi. Afsuski, Saken hakamlardan aziyat chekkan yagona bokschi emas. Qolgan bir nechta vazn toifalarida ham hakamlarga savollarimiz etarlicha bo'ldi. Saken birinchi raundda Do'smatovdan kuchliroq ko'rindi, lekin hakamlarning bari o'zbek bokschisiga ochko yozishdi. Ochkolar hisobiga ko'ra yutqazayotganini bilgan Bibosinov shoshib harakat qildi. SHunday holatda ham u uchchada raundni o'z foydasiga yozdi. Ammo hakamlar Hasanboyning qo'lini ko'tarishdi. 

Sabirxan Mahmudning filippinlik bokschiga qarshi o'tkazgan jangidagi hakamlikni umuman tushunmadim. Bu jangga ko'p ham to'xtalib o'tirmayman. 

Serik Temirjanov ham Osiyo chempionatini zo'r o'tkazdi. SHaxsiy fikrim, u finalda yutqazmagandi. Serik g'alabaga haqli edi.

Samatali Toltaev yarim finalda iordaniyalik Muhammad Abu Jadjehga yutqazdi. Jangning birinchi raundida Toltaev yutgandi. Lekin hakamlar 5:0 hisobida raundni mezbonlarga taqdim etishdi. Bu nohaqlikdan ruhiyati tushib ketgan Samatali xatolarga yo'l qo'ya boshladi va buning natijasida ikkinchi hamda uchinchi raundlarni raqibiga boy berdi. Ha, tan olaman, bokschimiz ikkinchi va uchinchi raundlarni yutqazdi. 

Dulat Bekbaulov tailandlik Bunjong Sinsiriga qarshi jang o'tkazdi. Bu jangda Bunjong haqli ravishda g'alaba qozondi deb o'ylayman. Dulat faqat birinchi raundda yaxshi jang o'tkazdi. 

Terma jamoamiz sardori Aslanbek SHimbergenov mezbonlar vakili Zeyad Ishaishni mag'lubiyatga uchratdi. Agar tempni oshirmaganida hakamlar uning g'alabasini ham o'g'irlashardi. 

Nurkanat Rayis finalda Saidjamshid Jafarovga imkoniyatni boy berdi. Bu jangda o'zbekistonlik bokschisining g'alabasiga shubhamiz yo'q edi. U haqli ravishda Osiyo chempioni bo'ldi. Nurkanat uchun bu qita chempionati katta tajriba maktabi vazifasini o'tab berdi.  

Sagindik Toganbay yarim finalda ring egasi Riyad Adelxindavi Odaiga yutqazib qo'ydi. Aybek Oralbay esa Osiyo chempioni bo'ldi. 

Eng og'ir vazn toifasidagi final jangida esa yana g'alabamizni tortib olishdi. Kamshibek Kunkabaev musobaqada uchta jang o'tkazdi. Finalgacha Janubiy Koreya va Tojikiston vakillarini engdi. Finalda o'zbekistonlik Lazizbek Mullajonovga yutqazdi. SHaxsan men bu jangda Lazizbek ustunligini sezmadim. Ikkinchi va uchinchi raundlarda Kamshibek yaxshiroq harakat qildi. Hatto raqibini nokautga uchratishi ham mumkin edi. Raqibning bosh va jigar qismiga kuchli zarbalar yo'lladi. Hakamlarning qarori esa o'zgacha bo'ldi.  

Har qanday holatda ham biz hali bu musobaqani taxlil qilamiz. Oldinda bizni Osiyo o'yinlari va jahon chempionati kutib turibdi. Biz yaxshi jamoaga egamiz. Yana Kamshibekka qaytaman. U bilan hali gaplashib olishimiz kerak. Kunkabaev parallel ravishda ham havaskor, ham professional boksda ishtirok eta olmaydi. Bunaqasi ketmaydi.