Keimyung universiteti prezidentiga O'zbekistonda professor unvoni berildi

SHu davr mobaynida sport talimining turli yo'nalishlarida, malakali murabbiy va sportchilarni tayyorlashning ilmiy asoslarini keng joriy etish tizimida bir qator loyihalar ustida ish olib borildi.

Kuni kecha Keimyung universiteti Xalqaro aloqalar bo'yicha vice-prezidenti Seon Jung Kim boshchiligidagi delegaciya O'zbekiston davlat jismoniy tarbiya va sport universitetiga tashrif buyurdi.

Uchrashuvda O'zbekiston davlat jismoniy tarbiya va sport universiteti rektori Rashid Matkarimov ikki universitet o'rtasida o'rnatilgan do'stona hamkorlikni yanada mustahkamlash, jismoniy tarbiya va sport sohasida xalqaro aloqalarini rivojlantirish, professor-o'qituvchilar va talabalar almashinuvini amalga oshirish va taekvondo sport turi bo'yicha ilmiy loyihalarni birgalikda olib borish yuzasidan o'z fikr va mulohazalarini bildirdi.

Tadbir davomida Keimyung universiteti prezidenti janob SHin Il Heenga O'zbekiston davlat jismoniy tarbiya va sport universiteti faxriy professor unvonini topshirish marosimi bo'lib o'tdi.

SHundan so'ng, universitet sport majmuasida Keimyung va O'zbekiston davlat jismoniy tarbiya universiteti talaba-sportchilari ishtirokida amaliy va nazariy mashg'ulotlarga izn berildi. Koreyalik taekvondochilarning ko'rgazmali chiqishlari yig'ilganlarda iliq taassurot qoldirdi.

To'lqin Ro'ziev, O'zA