Kevin Xolland UFC`da millioner jangchi ekanligini rad etdi

Barcha belgilar bu Kevin Xolland ekanligini ko'rsatmoqda, biroq amerikalik sportchi gap aynan u haqida ketayotganini qatiyan rad etmoqda.

2018 yilda UFC`dagi debyutidan beri Xolland 29 ta jang o'tkazdi, o'n marta 50 000 dollarlik turnir bonuslarini qo'lga kiritdi. Oxirgi elon qilingan gonorar malumotlariga ko'ra, o'tgan yilning yanvar oyida u Rene de Ridderga qarshi jangda (birinchi raundda bo'g'ish usuli bilan mag'lub bo'lgan) 250 000 dollar ishlab olgan.

Agar bunga homiylik daromadlarini, shuningdek, liga alohida to'laydigan qisqa muddatli ogohlantirish bilan o'tkazilgan tez-tez janglarni qo'shadigan bo'lsak, amerikalik jangchi Uayt nazarda tutgan yagona nomzoddek ko'rinadi. Biroq Xolland o'zining millioner ekanligini tan olishga tayyor emas.

"Men endigina uyg'ondim va hammangizga shuni aytmoqchimanki: bu jangchi — men emasman! Bu safsataga quloq solmang. Boss boshqa birov haqida gapirmoqda. Qaniydi, gap men haqimda ketayotgan bo'lsa edi", — deb yozdi Xolland ijtimoiy tarmoqdagi sahifasida.

Agar gap chempionlik kamari uchun jang qilgan sportchi haqida ketganida edi, Contender Series orqali o'tgan Jamal Xill, SHon O`Melli, Karlos Ulberg va Jek Della Maddalena nomlari tilga olinishi mumkin edi. Biroq Uayt aynan chempionlik uchun kurashmagan jangchini nazarda tutganini takidladi. SHunga qaramay, bu jangchi baribir Kevin Xolland bo'lish ehtimoli yuqori, shunchaki u o'z moliyaviy ahvoli ommaviy muhokama qilinishini istamayapti.