Kolbi Kovington mag'lubiyati sababini ochiqlab, keyingi raqibi kim bo'lishini aytdi

Yarim o'rta vazn toifasida UFC kamariga sobiq davogarning aytishicha, uning kechagi mag'lubiyatiga siyosiy qarashlari sabab bo'lgan. 

"O'ylashimcha, uchinchi, to'rtinchi va beshinchi raundlarda g'alaba men tomonda bo'ldi", - dedi "Xaos" jangdan keyingi matbuot anjumanida. - "Raqibim menga hech qanday shikast etkazgani yo'q. Ishonchim komil, g'alaba uchun bor imkoniyatimni ishga soldim va buni uddaladim. Lekin hakamlar menga g'alabamni berishni istashmadi. Ha, g'alaba meniki edi. Hakamlar hamisha meni yomon ko'rib kelishgan. Ular mendan nafratlanishadi. Nega? CHunki men Donald Trampni qo'llab-quvvatlayman. U hamisha janglarimni tomosha qilish uchun keladi. Bugun ham Tramp arenada edi. Mayli, hammasi ortda qoldi. Hayot davom etadi". 

Kolbi Kovington keyingi raqibi sifatida hamyurti Stiven Tompsonni ko'rmoqchi. Kecha u ikkinchi raundda SHavkat Rahmonovga yutqazib qo'ygandi. Qozog'istonlik jangchi raqibini bo'g'ish usuli bilan mag'lubiyatga uchratgan edi. 

"Men haqimda matbuotda hamisha bo'lmag'ur gaplarni gapirib yuradigan yigit bor – u Stiven "Vanderboy" Tompson. Hamma uni yaxshi yigit deb o'ylaydi. U men haqimda ko'p gapirgan. Istardimki, o'sha gaplarini oktagonga menga aytsin", - dedi Kovington. 

Eslatib o'tamiz, Leon Edvards va Kolbi Kovington o'rtasidagi chempionlik jangida britaniyalik chempion hakamlarning yakdil qarori (49-46, 49-46, 49-46) bilan g'alaba qozonib, kamarini muvaffaqiyatli himoya qilgandi.