15 mar 07:22
Yangiliklar

Boks/MMA

Komaga tushib qolgan MMA afsonasi, og'ir vaznda birinchi UFC chempioni o'ziga keldi

Teglar : Mark Kolman

Afsonaviy amerikalik MMA jangchisi, og'ir vaznda birinchi UFC chempioni Mark Kolman o'z uyidagi yong'in natijasida koma holatiga tushib qolgandi.

Kolman yong'in o'chog'idan ota-onasini olib chiqishga muvaffaq bo'lgan. Lekin aynan yong'indan voqif qilgan itini qutqarishga olov ichiga kirgan Mark tutundan zaharlanib, hushidan ketadi.

Voqea joyiga etib kelgan o't o'chiruvchilar Kolmanni hushsiz holatda shifoxonaga etkazishadi. Ikki kun jonlantirish bo'limida yotgan Mark kecha kechqurun nihoyat o'ziga keldi va ko'zini ochdi. Suratda afsonaning o'z qizlari Morgan va Kenzini bag'riga bosib yig'layotganini ko'rish mumkin.

"Men dunyodagi eng baxtli insonman. Ey Xudoyim, menga omad kulib boqdi. Ota-onam tirik qolishganiga ishona olmayapman. CHunki xonamdan chiqqan onimdayoq nafas etishmayotgandi. Afsus, vafodor itim Xammerni qutqarib qololmadim", - deya ko'z yoshlarini tiya olmadi Kolman.

Malumot uchun, 59 yoshli Mark Kolman og'ir vaznda birinchi UFC chempioni hisoblanadi. SHuningdek, u PRIDE Gran-prisida ham chempion bo'lgan. U UFC SHon-shuhrat Zaliga ham qabul qilingan. Mark Kolman MMAdagi so'nggi jangini 2010 yilning fevral oyida Las-Vegasdagi UFC 109 turnirida yana bir afsona Rendi Kutyurga qarshi o'tkazib, mag'lubiyatga uchragan edi.