Komil Ro'ziev Osiyo-Okeaniya Kurash Konfederaciyasi prezidentligiga qayta saylandi FOTOGALEREYA

Biroz avval o'z tarixida XI marotaba tashkil etilayotgan qita chempionati doirasidagi Osiyo-Okeaniya Kurash Konfederaciyasining Kongressi bo'lib o'tdi. Tadbirda Osiyo-Okeaniya Konfederaciyasiga azo federaciyalar rasmiy vakillari, delegatlar, qo'mita rahbarlari hamda ommaviy axborot vositalari xodimlari ishtirok etishdi. 

Hisobot-saylov Kongressi avvalida Osiyo-Okeaniya Kurash Konfederaciyasi prezidenti Komil Ro'ziev tashkilot tomonidan to'rt yil davomida amalga oshirilgan barcha yo'nalishlardagi ishlar yuzasidan hisobot berdi. Qayd etilishicha, butun dunyoda yuzaga kelgan koronavirus bilan bog'liq pandemik barcha sport turlari qatori kurashga ham o'zining salbiy tasirini o'tkazmasdan qolmadi. 2019-2020 yillar davomida Konfederaciya taqvim rejasidan o'rin olgan xalqaro musobaqalar deyarli o'tkazilmadi. O'tgan yildan katta kurash yana qitaga qaytdi. Qitaviy chempionatlar, xalqaro musobaqalar o'tkazila boshlandi. 

Malumot uchun, bundan avvalgi Osiyo chempionati 2018 yilning 22-25 mart kunlari bo'lib o'tgan edi. O'shanda yubiley X Osiyo chempionatiga Hindistonning Puna shahri mezbonlik qilgandi. Punaga qadar qita chempionatlariga Toshkent, SHahrisabz (O'zbekiston), Dehli, Kerala (Hindiston), Tehron, Mashhad (Eron), Qobul (Afg'oniston), Ulan-Bator (Mo'g'uliston) va Bayrut  (Livan) shaharlari mezbonlik qilgan edi. Osiyo olimpiya kengashining 2017 yil 20 sentyabrdagi Bosh Assambleyasida esa kurash 2018 yil Indoneziyada bo'lib o'tgan yozgi Osiyo o'yinlari dasturiga rasman kiritilgandi. 

SHundan so'ng Kongressning asosiy voqeyligi - Osiyo-Okeaniya Kurash Konfederaciya prezidentligi uchun saylovga navbat berildi. Unda delegatlar bir ovozdan Komil Ro'zievni yangi to'rt yillik muddatga prezident etib saylashdi. Hamyurtimiz 2017-2021 yillar oralig'ida Osiyo-Okeaniya Kurash Konfederaciyasini muvaffaqiyatli tarzda boshqardi. Pandemik vaziyatga qaramay, to'rt davlat Osiyo kurash oilasiga qo'shildi. Bugun Kongressda esa Saudiya Arabistoni Konfederaciyaning yangi azosi sifatida tanishtirildi. Komil Ro'ziev Konfederaciyasining yangi to'rt yillik davri mobaynidagi asosiy maqsadi milliy kurashimizni Olimpiada dasturiga kiritish bo'lishini alohida urg'uladi. 

SHuningdek, Kongress davomida Konfederaciyaga yangi vice-prezidentlar, ijroiya qo'mita azolari ham saylandi. Loikjon Ashurov (Tojikiston) va Hamed Farman (Quvayt) Osiyo-Okeaniya Konfederaciyasi vice-prezidenti, Farruh Saidkulov (O'zbekiston) Bosh kotib, Koroush Hosroyar (Eron) texnik direktor lavozimlariga saylandi. SHu bilan Osiyo-Okeaniya Kurash Konfederaciyasining Kongressiga yakun yasaldi.

Suratlar muallifi - Alimurod MAMADAMINOV, o'z muxbirimiz Dushanbe shahridan maxsus