Konor Makgregor yil oxirigacha bo'lgan rejalari bilan o'rtoqlashdi

Uch yillik tanaffusdan so'ng faoliyatini qayta tiklayotgan irlandiyalik aralash yakkakurash ustasi yil oxirigacha bo'lgan rejalari bilan o'rtoqlashdi. 

"29 iyun, 14 sentyabr Meksika Mustaqilligi kuni va shundan so'ng dekabr. Bu yil hisobidan 3 ta jang. Yaratgandan shu 3 ta jangni o'tkazib olishni so'rayman. UFC bilan shartnomadagi 2 ta jangim qoldi. Hozir muzokara jarayoni davom etmoqda. Ko'ramiz, u qanday yakun topar ekan. Sentyabr oyida "Sfera" arenasida, Meksika Mustaqilligi kunida oktagonga chiqishni juda ham xohlayapman. Ayni paytda biz promoushen bilan birga o'sha kunga raqib izlayapmiz. Oldin ham aytganman, yana takrorlayman, menga Dias bilan trilogiyani yakunlab qo'yish yoqadi. Lekin uning Masvidalga qarshi boks jangi bor", - deya irlandiyalikning so'zlarini keltiradi MMAFighting. 

Avvalroq, Islam Maxachev aynan sentyabr oyida Konor Makgregor bilan jang o'tkazishga tayyor ekanini aytgandi.