Konya-2021. Medallar jamg'arish bo'yicha vaziyat qanday?

Ayni shu daqiqalarga qadar 56 davlat ishtirok etayotgan musobaqada Turkiya terma jamoasi katta farq bilan peshqadamlik qilyapti. Mezbonlar 11 ta oltin, 7 ta kumush, 4 ta bronza, jami 22 ta medalni qo'lga kiritib ulgurishdi. Qozog'iston delegaciyasi 5 ta oltin, 1 ta kumush, 4 ta bronza medali bilan ikkinchi pog'onadan joy olgan. 

Kuchli uchlikka O'zbekiston terma jamoasi yakun yasab turibdi. Hamyurtlarimiz 3 ta oltin, 2 ta kumush, 4 ta bronza medalini qo'lga kiritishdi. To'rtinchi o'rinda borayotgan Eron 2 ta oltin, 7 ta kumush, 2 ta bronza medalini jamg'ardi. BAAda 2, Bahrayn, Uganda va Ozarbayjon delegaciyalari tarkibida 1 nafarda chempion bor.