"Ko'rgazmali jang o'tkazmasam ham ajoyib hayot kechirishim mumkin". Meyvezer tanqidchilarga qattiq javob qaytardi

Xabar berganimizdek, 45 yoshli bokschi Dubayda tashkil etilgan ko'rgazmali jangida bloger Dejini mag'lub etgandi. Jangdan so'ng Meyvezer muxlislarning ko'rgazmali janglarda nomsiz raqiblar bilan ringga chiqishi haqidagi tanqidiga javob berdi.

"Odamlar ko'pincha: "Floyd shunchalik yomonki, u ko'rgazmali janglarda qatnashishi kerak" deyishadi. Men pul ishlab topishni to'xtatmayman. Bu mening falsafam.

Farzandlarimga pul meros qilib qoldirish muhim! Ishoning, agar boshqa ko'rgazmali jang o'tkazmasam ham ajoyib hayot kechirishim mumkin" - dedi Meyvezer jangdan keyingi matbuot anjumanida.