Kori Anderson - yarimog'ir vazn toifasida yangi Bellator chempioni!

Champions Series doirasidagi turnirning markaziy jangi yarimog'ir vazn toifasida o'tkazilib, unda Kori Anderson vakant bo'lib turgan Bellator chempionlik kamari uchun mezbonlar vakili Karl Murga qarshi oktagonga chiqdi. Ushbu kamar rossiyalik Vadim Nemkov tomonidan egasiz qoldirilgandi. 

Besh raund to'liq davom etgan chempionlik jangida tajribali Kori Anderson hakamlarning yakdil qarori bilan 50-45, 49-46, 49-46 hisoblarida g'alaba qozondi va yarimog'ir vaznda Bellator kamarining yangi sohibiga aylandi. Mur birinchi va uchinchi raundlarda muddatidan avval g'alaba qozonish uchun yaxshigina imkoniyatga ega bo'lgandi, ammo o'z muvaffaqiyatini rivojlantira olmadi.